每年的SDD(Staff Development Day)來來去去都是評估，計劃，再評估，
今年老闆竟然提議去狄狄尼，
難免令人感到未出發先興奮...
2010年3月31日 星期三
2010年3月1日 星期一
我的第一對Nike iD - Earthquake終於收貨啦！
期待已久-
由2月9日訂製，
到2月27日收到通知，
可惜無人收貨；
最終3月1日望穿秋水，
收到我的第一對Nike iD - Earthquake，
yeah!!
2010年2月9日 星期二
My first NIKE iD - Air Max 90
大家可能好奇，甚麼是Nike iD？
其實，就係將一些Nike組典產品，讓一班fans可以custom-made，
自己設計不同的顏色、材料和尺碼，再特別訂製的服務。
查詢電話：29578673(記得先設計好款式&book定時間才去啊！)
Nike iD Studio地址：尖沙咀廣東道新港中心106號舗
其實，早在2008年4月24日，Nike iD Studio已在上海登陸，
成為2007年起Nike iD Studio繼紐約、倫敦、大阪和巴黎後的第五間Nike iD Studio。
之後，再在北京、天津開設Nike iD Studio。
雖然在香港開Nike iD Studio，對我們來說有點遲，
不過，香港的價錢就比較中國大陸吸引，
因為在香港Nike iD .com設計鞋款，暫時仍然用大陸的server，
所以價錢顯示是人民幣價，但香港改為以港幣計算，無須兌換價錢。
除了價錢外，在中國內地訂製Air Force 1，每日限量5對；
但在香港暫時未有限額(不過由於店內只有5部電腦，大概每日可訂製的物品都很有限了)，
實在對一班香港Nike fans太好啦！
不過另一個吸引我在Nike iD .com訂購鞋款的原因，
就是我在Nike iD .com設計的鞋，
只要我登記後儲存在my Locker內，
Nike iD在iPhone的Apps，就可以方便我地隨時check下自己的設計，
非常方便。
小妹早在Nike iD Studio在新港裝修開始，
已經不斷在網上查證，
最後確定在2月3日開店。
再趁開店當日reserve了時間，在2月9日訂鞋。
訂製鞋的步驟很簡單：
1) 先預定在Nike iD Studio訂鞋設計的日期和時間(限時1小時)；
2) 最好預先上Nike iD.com設計產品：鞋/運動外套或T-shirt/袋；
3) 在預定日期和時間到達Nike iD Studio；
4) 看過實際物料，再consult一下consultant的意見；
5) 有需要可以試試尺碼；
6) 最後，付款兼列印我地設計的物品的產品設計卡和單據；
完工！
之後，大概4-6星期就可以在屋企或者office收貨啦！
以上就係小妹首次訂製的Air Max 90 iD，
它的名稱是Earthquake(由一位朋友仔提供)！
2009年12月29日 星期二
給喜歡fashion的你 - 日劇推介【真我霓裳 Real Clothes リアル・クローズ】
近日在Facebook的朋友推介下，看了一齣與時裝有關的日劇-
【真我霓裳 Real Clothes リアル・クローズ】。
劇集中出現了許多時裝的配搭，而且在劇集的官方網站，
更可以訂購主角的服裝。
不過，最吸引我的，就是有關絲巾的不同用法，
大家除了欣賞劇集(可以到youku)外，不妨到官方網站慢慢研究啊！
官方網站：http://real-clothes.ktv.jp/
有關絲巾的不同用法：http://real-clothes.ktv.jp/carrestyle/
2009年12月27日 星期日
2009年12月26日 星期六
BOXING DAY=MOVIE DAY?!
很久沒有在香港過聖誕，
想不到Boxing Day變成Movie Day，
一早一晚，沒有計劃下，看了兩齣電影-
Sherlock Holmes 和 十月圍城(Bodyguards & Assassins)！
(TBC)
2009年12月24日 星期四
2009年12月22日 星期二
打石膏後的生活寫照-第三週
打石膏後的第三週 14.12.2009~20.12.2009
生活開始完全適應...
睇完「敗犬女王」又開始惆悵睇邊套台劇。
開始整理自己：身、心、靈，都十分需要整理！
星期二，翡麗絲同埃米莉來了新星吃飯探我。
二花開完冗長的會議都來找我地傾下計。
自從上星期六閞始皮膚敏感，星期一左手已經慢慢康復，
但右手情況就...
皮膚敏感得又紅又腫，皮膚佈滿像水痘似的東西，
嚇得大家都在Facebook回應。
老實說，我都有點擔心，
問題係我認識的皮膚科醫生都在香港島，
at least要三個星期前預約，
而且上星期多上街一次，
我的手開始痛，
很難用拐杖落樓梯，
基本上不可能去睇醫生，
所以打算休息一兩天後，
再視乎情況，找朋友介紹九龍區的皮膚科醫生。
多謝翡麗絲、埃米莉同二花的探望，
而翡麗絲知道我皮膚敏感後，
仲打電話叫她的老公拿了一支藥膏給我試試。
結果，情況真的有點改善，
我亦可以留在家中好好休息啦！
同樣，星期四，返教會。
多謝阿拔義載，我可以很快去將軍堡吃晚飯；
離開時，更多謝阿倫組長目送我地上拔家車後才搭的士。
拔嫂很細心，送我到家樓下，還幫我開了地下的大門才離開。
Million thanks，阿仙！
本週最開心的，莫過於星期日夜晚去UA iSquare IMAX睇Avatar阿凡達。
上星期安芝提議，點知佢當晚居然要同家人食飯，
所以我地剩下阿倫、阿全、雲迪同我去睇。
雖然星期日要一百七十蚊，不過真係物有所值，
皆因全套戲都係3D；
記得上次係Megabox IMAX睇Harry Potter，
只得10多分鐘，好彩係契女爹爹請，
otherwise我實喊。
由頂至底的大銀幕，加上立體聲音響，
寬敞舒適的坐位，
加上一流的電影，
兩個半小時的享受，
都係收一百七十蚊，真係物有所值。
這齣戲係Titanic的導演James Cameron籌備了十四年的作品，
連一向有彈冇讚的石琪先生，
都大讚電影：故事簡單但真人與科技效果配合得淋漓盡致云云，
所以我對這套電影抱相當大期望去睇。
結果，果然冇令我失望。
故事的確十分簡單，
但係科技動畫的部分同真人實景果然配合得天衣無縫。
而我印象最深的畫面，就係晚上當人在潘多拉Pandora星球的森林
步行時地下的植物一棵一棵亮燈，如水母般的種子在空中飄浮的畫面，
實在把我吸引住。
再講，有些飛行的場面，就連我身旁不認識的男士都出跟住主角左搖右擺，
大家就明白電影的迫真度有多高。
如果大家會睇Avatar，強烈建議大家去兩間IMAX睇！
睇完戲，居然在戲院電梯遇到嘉文弟兄，
相請不如偶遇，
大家去樂道的杏花樓吃吃甜品，為整天劃上完滿句號。
再次鳴謝阿倫弟兄協助截的士，仲等我地上車後關車門；
雲迪又陪我先返屋企後再回家，多謝你地。
2009年12月21日 星期一
打石膏後的生活寫照-第二週
打石膏後的第二週 7.12.2009~13.12.2009
在家休息，真好！
好，不是因為可以不用返工，留係屋企嘆世界；
好，係因為可以好好休息，
嘗試在神面前好好安靜自己...
今個星期開始習慣留在家中。
為了避免與爸爸嘈吵，每天即使起了床，
都會盡量留在房中，
用iPhone上網、聽歌、靈修或是check email。
由於家父是個不安於室的老人家(這個性格我100%遺傳了)，
他總會在中午時間約朋友上街去，
去看看展覽、逛街或是上書局，
總之就要上上街了！
待他離開後，我才起床梳洗、吃brunch和開始網上活動！
這星期沒有上星期那麼悶，
因為多了一個節目，
就係煲台劇！！
「敗犬女王」就是本週的精選，
有時候一坐便看上兩三小時。
晚上，沒有甚麼電視劇值得看，
便開始看村上春樹的「1Q84」。
星期四，又係社交日，哈哈！
今個星期除了健仔、二花、密絲帶外，
Kirsty、瑪莉亞同小魚都來探我。
二花還帶了同事和學生們的慰問卡給我，很感動啊！
除了感激同事和學生外，更要感謝TA們，
特別係輝輝同Lena，
因為輝輝協助我一些data entry，唔駛我擔心，
而Lena所設計的慰問卡，真的很精美啊！
而瑪莉亞同小魚更帶來以色列新鮮無花果。
我帶回家後，更同家人一起分享呢！
多謝兩位！
今個星期，返教會，
就有更多弟兄姊妹找我簽名於我的石膏上。
差不多沒有位置呢！
今個星期，要多謝阿倫弟兄的義載啦！
因為離開教會已經很晚了，
我便過馬路到對面搭的士。
誰知組長見我一個人，
就由Circle K急忙過馬路叫住我，
順路義載。
星期五，出院後首次覆診。
感激三妹莎樂請假陪我。
先照X-ray，再上骨科門診看醫生。
由於副廠長跟同事們都提醒我，
如果預計病假時間較長，
為了方便找人接手我的工作，
最好有較長的病假。
誰知同醫生提出，
醫生已經把我的病假延至2月初。
今日的結果不錯，
右腳踝其中一面的骨裂已經瘉合，
只剩下較嚴重骨裂的一面還約有3cm的裂痕。
預計下次進展良好的話，
就可以拆石膏啦！
至於今個星期六，我地幾個EBS幫手(阿倫、安芝同雲迪)開了一次緊急會議，
討論我地小組的方向同一些重要決定，
在新星飲茶，坦誠地表達自己的想法和感受。
飲茶後，我當然約了朋友仔，免得上上落落樓梯。
剛好，安芝想去iSquare看看UA IMAX戲院有沒有開售阿凡達的戲票，
而阿倫要去佐敦換領禮物，
我就要去尖沙咀吃下午茶，
所以一齊搭的士去尖沙咀。
下車後，安芝仲送我到Langham Hotel。
誰知同學仔已經到咗酒店門口，
他見到我，才知道我的腳傷比他想像中嚴重，
立即捉實我，扶我行路。
真係俾佢激死，捉住我，我又點用力行呢！
不過，算佢啦！都算老死，肯扶我行。
我地見面後，安芝才安心離開，真係要多謝佢！
由於剛飲完茶，我都沒有胃口食下午茶自助餐，飲杯茶就算啦！
朋友仔連午餐都未食，所以一個人食Chocolate High Tea。
有興趣看看我的食物同分享，可以click入嚟睇！
有段小插曲，繼上一次食完lunch buffet肚瀉後，再次令我對呢間酒店扣分：
正當我打算由北京道/九龍公園徑入口上lobby時，
酒店職員竟然想阻止我上樓梯。
如果佢係以關心的態度對我，我一定會十分欣賞；
可惜，佢係一副「咪係度上麻煩我」的樣子，我為免令佢難做，
只好問下佢其他入口啦！
由同學仔探路後回報，點知原來要行3-5分鐘先上到lobby，
我只好堅持由「捷徑」(十多級樓梯)上lobby的Palm Court啦！
hea下hea，傾下計，飲飲茶，不經不覺已經六點幾。
而延誤咗半年的生日飯，我地都沒有任何建議。
K11未開，難怪想去Ginza Bairin，打極電話都冇人聽啦！
東來順、Chesa、夜上海、Imasa...全部都fully booked，
令人失望。
最後，剩餘兩個提議：酒店樓上唐閣 & Elements的TMSK牡丹。
不過，唐閣只有一個半小時吃飯的時間，未免太緊迫；
所以決定去圓方的TMSK。
有關呢一次去TMSK牡丹的分享，可以click入嚟睇！
搭的士到圓方後，原先覺得容易到達的地點，依家竟然感到有點困難。
好不容易，才由W Hotel去TMSK牡丹，要成十分鐘先行到。
早知堅持去W Hotel嘅Kitchen或者Fire慶祝啦！
不過，我一點都有後悔嚟圓方，因為契女一家到了餐廳找我地傾下計，
可以見見咪咪豬Grace。
見到契女，真係開心晒！我已經成半個月有見佢啦！
我地big hug了幾次，佢仲拖住我、等埋我、送我地去的士站。
She is so sweeeeeeeeeeeeet！
估唔到有見半個月，又大個咗啊！
(to be continued...)
2009年12月20日 星期日
打石膏後的生活寫照-第一週
打石膏後的第一週 30.11.2009~6.12.2009
因為從未如此好瞓過。
不過，週末起了很大的變化，生活加了一點色彩...
第一個星期，唔係瞓覺，就係上網，很掛念學生，也擔心工作。
人感到不安，感覺自己生活太糜爛！
幸好，星期四有同事們探訪，可以到我家附近的茶餐廳歇一歇。
不過，這亦是出院第一次出門，所以媽媽不太願意讓我出去。
在我堅持之下，媽媽唯有陪我用柺杖一步一步由八樓走到地下。
過去只需三分鐘的路程，今天就花了最少十多分鐘；
過往連跑長跑都只是輕微出汗的我，竟然汗流浹背。
最後，媽媽更堅持一直陪我到家附近的茶餐廳坐下後，才願意離開。
媽媽，多謝你，也令你擔心了，
誰叫你的女兒是個不肯有半分鐘停下來的傢伙呢！
多謝二花的安排，也多謝健仔、密絲帶、雲雲、琦琦前來探望，
更多謝大家的關心、慰問，
而且多得他們來探我，讓我有藉口上街去。
不過，這次出來，我真的感到很開心，
有種重獲自由的感覺(有點似放監的感覺)，哈哈！
最大的收穫就是--同事的好提議，推介了台劇「敗犬女王」讓我有好幾天不用悶死！
那天晚上，我更決定順道返團契，見見弟兄姊妹。
同事們都很好，大家送我到將軍堡與弟兄姊妹吃飯。
雖然由我家附近的茶餐廳步行到將軍堡，平日對我來說，只是輕而易舉的事，
可是，打了石膏後，第一次的經驗讓我更明白人的限制。
是的，神啊！人真的很軟弱！
原來只是步行，都可以令人感到很不容易。
過去，每去完一次長途旅行，又或是自己發生不如意的事時，
總渴望返教會見見弟兄姊妹；
想不到這一次「長假」，只是剛休息了幾天，
已經感到與弟兄姊妹分別了很久似的，
再次感到能夠返教會，感覺真好！
弟兄姊妹，真好；你們真的像我的家人，感覺很溫暖啊！
大家都前來慰問。多謝大家，特別是牧師提名的祈禱。
多謝團契新朋友組的每一位...
首先當然要多謝小組的阿倫弟兄、安芝姊妹和雲迪姊妹啦，
他們真的很幫忙！
仲有阿拔弟兄和拔嫂，hoho，他們主動提出「義載鐵柺陳」，
真的像歡樂滿東華。
當晚，離開時，大家都差不多已回家了，
只剩下安妮、奇雲夫婦和安芝，
但時間已太晚了，
麻煩了安妮、奇雲夫婦，更麻煩了妹妹莎樂。
真的很不好意思呢！
多謝大家！
之後，又過了幾天，好不容易才等到星期日，可以返教會崇拜。
返教會，平日當然係行路啦！
不過，經過星期四一役，我都不敢逞強，決定自己搭的士。
其實，我原先打算返早堂的，因為當日係教會的會員大會。
可惜，我唔敢麻煩大家，只好在家等大家電話。
最後，直至去梳洗時，才收到拔家電話，可惜我太遲啦，
只好留在家了！
不過，譚美姊妹在早堂後打電話問候我，
更約我先吃點東西。
斐安娜組長更約我去飲茶，見見一班弟兄姊妹。
大家都很關心我，不斷打電話來找我報告情況，
擔心我在路上出事。
吃過早餐，感激拔嫂、阿車隊長和阿倫組長，
他們上過早堂，竟然陪我返午堂。
真的，衷心多謝他們！
原先，我未出事時，我地仲興高采烈打算上深圳按摩，
現在大家都犠牲了，
陪我一起敬拜神，多謝你地！
不過，更重要的是多謝斐安娜組長，
因為我原先打算偷懶，
在家參與權能時間敬拜神，而不返午堂了，
誰知組長一句：「你未返祟拜，可以返午堂啦！」
這句提醒我，不准偷懶，要知道祂是神！
Sorry，神啊！真的對不起，竟然想偷懶；
不過，也要感謝神，沒有祂，我又會做「逃兵」啦！
之後，我可以堂堂正正去玩。
去BBQ，大家也許很難想像吧！
而且，仲係入天水圍燒烤。
不過，又要多謝拔家啦，再次義載。
(特別鳴謝阿倫弟兄：因為你send email找阿拔相助；
拔's family：因為你地義載小妹啊！)
今次去了某屋苑的會所BBQ。
大件事啦！今次係上數十級樓梯，位於天台上的場地。
真的不簡單！
(雖然返屋企仲難，不過，要在大家的看顧下，
上樓梯，真係感到不好意思。）
到燒烤啦，多謝每一位幫我烤食物的和把食物穿上燒烤叉的弟兄姊妹，
我真的很感動。
難得放監，我當然不肯立刻回家啦！
大家去深水埗吃糖水，梗係要預我啦！
之後，阿倫同拔嫂去吃蛇羹，我都可以跟，
真的好！
飲飽食醉後，灰姑娘都係時候交人啦！
大概八點幾九點，我係時候返屋企啦！
今日，又係莎樂落地下接我。
Many thanks，我的弟兄姊妹和莎樂妹啊！
訂閱：
文章 (Atom)
發表文章
