Ping.fm - 另一個同時為多個microblogging平台更新的平台

相信我會多用Ping.fm，因為hellotxt的弱點係唔support中文，

而且唔可以update埋Blogger，

所以即時再試埋Ping.fm。

試完感覺，其實兩個平台都好，

不過Ping.fm似乎啱一向用中文寫blog的blogger。

最重要都係睇大家用開甚麼social network最實際！

其實，ClubEddy的分析已經相當詳細，

我都唔會再班門弄斧，

大家有興趣了解更多，

真的要去ClubEddy 步落癮睇睇全文！

hellotxt - 同時為多個microblogging平台更新

事緣，marieyuen在Plurk問"用咩來sync twitter+plurk?"

我都有去找找，不過ClubEddy果然係高手，

不久已回應marieyuen。

佢介紹咗兩個平台，分別係Hellotxt和Ping.fm。

原文：同步發佈多個Micro-Blog．Hellotxt和Ping.fm大比拼

而小妹二話不說，立即試用Hellotxt。

其實，Hellotxt的確唔錯，除了twitter和Plurk外，

仲可以update hi5, Facebook, MySpace等。

此外，仲support同一個平台多個戶口，

例如在twitter有一個for public，一個for friend的戶口，

我都可以一次過管理，分開update，

相當方便。

Hellotxt的網址：http://hellotxt.com

iPhone 2.0內建Screen Capture功能

實在發現得太遲...

近日成日想Screen Capture一些iPhone畫面，
可以講解清楚啲，
點知原來根本已經內建這個功能。

方法如下：

1) 選擇要Screen Capture的iPhone畫面

2) 同時快速按Home和Power/Sleep按鈕一下

3) 已Capture的畫面便會在Photos內

內容引用自Cool Tip: iPhone 2.0 Software Has Built-In Screen Capture [Iphone 2.0]

P.S. 發覺自己用咗iPhone咁耐，仲係對佢認識唔夠！

心大心細 - 買notebook的煩惱

近日，返回工作崗位後，好想買部notebook方便工作。

想過好多選擇：

1) Tablet Notebook - 方便Present，價錢略高，但應該最啱用。

不過，衰孤寒，常等HP TX2510，但又怕重！

2) Apple MacBook或MacBook Pro - 一個字：「型！」

不過，唔係好肯定啱唔啱用，因為自己未用過Mac機，只係用過iPod Mini同iPhone。

好彩未買，因為有報導指2008年第三季出新一代 MacBook和MacBook Pro。

圖片及消息引用自：http://www.appleinsider.com/articles/08/07/09/

apples_next_gen_macbook_pro_casing_design_revealed.html

3) NetBook - 一個字：「平！」而且夠晒輕，保證天天都會帶番工。

不過，速度確係「慢到冇朋友」！

想過的model有eeePC 901H, 1000H；Gigabyte M912(有Touch Screen); Lenovo S10等

不過，同事noodle成日叫我快d買，因為「早買早享受，遲買平兩舊」！

但我份人工始終冇noodle咁多，都係聽阮瑪莉建議，hehe...

Another iPhone Apps For Blogger - Life Cast

今日，又找到另一個iPhone Apps，免費軟件而且支援多個account, 用來寫blog又一新選擇。

首先在Apps Store尋找Life Cast，下載使用。

跟住可以setting, 分別輸入Blogger的email a/c和password。如果有多於一個blog, 需要逐個加入。在Setting方面，都算方便。

我個人比較喜歡CellSpin, 因為可以一次過上載網誌上Twitter和Blogger。不過，Life Cast就可以一次過管理Blogger內所有blog，真係各有各好。

唔知其他Blogger點睇呢？

Posted with LifeCast

Plurk - 社交生活日誌：試用篇

早兩日，得阮瑪莉邀請試用Plurk。

Plurk是一個社交生活日誌平台，將朋友們連結起來。

透過每一個人寫的日誌，利用時間軸形式表達，

讓朋友們知道在同一時間，大家正分別做些甚麼事情。

提醒大家(特別是女生們)，出生年份可以不填，
否則年齡的秘密...就無所遁形啦！

希望Jansen唔好介意，因為你最多朋友回應你！

其實，用Plurk似乎幾得意，要回覆朋友又方便，值得向大家推介！

網址：http://www.plurk.com

我的Plurk網址：http://www.plurk.com/user/jackiechan

CellSpin - Mobile Blogging for Blogger

成功啦！
終於可以在iPhone寫Blog啦!

今日無聊聊，在App Store找可以直接在Blogger寫網誌的apps，
結果無意中找到CellSpin。

CellSpin支援許多平台，包括：
Blogger, Facebook's Photo Album, Picasa Web Album, Twitter等

最重要係用法簡單，方便易用。

值得一提:
暫時在Post Title不支援中文，
如果用中文title上傳會出現
Internal Server Error
用英文title就唔會有問題啦！

仲有，就係一文多用，
一次過上傳晒唔同地方，
幾方便！

First Blog using CellSpin & iPhone

悶...熱...

第一次入ICU的經歷

不知大家試過入醫院嘅ICU未？
幸運地小妹在星期日入了三天，一次有驚無險但感恩的經歷...

上星期六，我和十多位教會的弟兄姊妹去了澳門短宣，希望與當地的中國外勞分享信仰。
星期日，吃完豬扒包作早餐，便去了高士德的宣道堂返祟拜。
一早起床，已經感到有點喉嚨痛，所以吃早餐時也不以為然。
不過，祟拜開始了不久，由可以唱歌到痛哭流涕，都不過是一個小時的事。
之後，最貪吃的我，連在雅馨吃魚湯粉的機會也放過，只敢喝一瓶薏米水。
連吃Panadol、金嗓子和有藥性的喉糖都沒有效，我已感不妙了。
因此，組長提議我先返宿舍休息，再看看是否早點返香港，
我也毫不猶豫地答應了！

可惜，不但沒有好轉，甚至愈來愈痛，所以也不敢堅持，
接受Kylie姊妹的好意，跟我交換船票先返香港。

返香港後，曾打算往24小時的診所，不過最終還是擔心診所沒開，決定上醫院急症室。
大概一個小時左右，已到我見醫生，只是簡單的診斷，已決定請我立即照x-ray；
看過底片後，更與多位高級醫生商量後，立即把我送往ICU。

不知從何而來的膽量，我非常冷靜問醫生，我為什麼入ICU？
他說Acute Epiglottis 急性會厭炎，因擔心會厭繼續腫下去會有機會令我窒息而死，
所以要我入ICU。
但ICU已Full，所以醫生決定我入CCU(心臟科)，
假冒成CCU的病人而入ICU，因CCU就在ICU隔壁。

入ICU，首先由醫護人員把我推上ICU，由護士24小時貼身照顧，也暗示我斷絕外界接觸，
因此處的儀器很多，電話訊號絕對影響人家生死，不得兒戲。
第二，在我身上佈滿了儀器，包括：
心電圖的儀器，check脈搏、血壓的儀器，打豆豆(即插喉管吊鹽水)，氧氣管(確保我呼吸)等。
這些儀器，使我睡姿由側睡變為平臥，連轉身也不敢，怕碰到儀器。

吊鹽水象徵著我不能吃東西，不能自己上洗手間；
氧氣管象徵著我的生命隨時有危險。

不過，即使是這樣，我的心都似乎一點混亂也沒有，更感謝神讓我及時返到香港，
及時看醫生。

因為第二日是上班的日子，當然要通知我的好同事兼鄰居二花，簡單講了我的情況，可能會有好幾天不能上班，誰知她已打電話通知了我其他的同事兼好友了！

第一日的探病時間前，五個好同事(阿雲、二花、愛麗詩.帶、多莉詩和坦莉)已到來探望了。
之後，還有祖迪、團契導師愛麗詩.柯、愛麗詩.李、多多、翡安等到來探望。
令我最擔心的，就是翡安了，她差點兒哭，因為我的儀器確實係幾嚇人的。

不經不覺，48小時過去，我的情況穩定下來後，我終於可以轉去普通病房了！
之後的兩三天，我的情況越來越好，星期五更可以出院，返屋企過中秋啦！

在ICU的日子，神帶我經歷了許多：
不能夠吃東西的日子，讓我懷念食物，連開始吃的第一餐，只是吃白粥水，也感到無限的滿足；
靠氧氣管的日子，讓我知道每一天有生命氣息，我都要感謝上天；
不能夠自己上洗手間的日子，讓我知道行動自如，也不是必然的，能夠活動自如都要感謝神；
因病入ICU，也提醒我健康不是必然的，要好好分配時間休息，不應該因工作而影響其他生活；
因病入院，每個家人、同事、朋友、教會的弟兄姊妹和導師的關心，
更令我不得不感謝神對我的無微不至(因為不會太多人、也不會太少人來探我)；
搜尋過急性會厭炎的資料之後，我更肯定我的復元，並非必然，我的神真係「好勁」！

神，多謝你！

攪笑的開x禮

每年公司都會在九月初舉行開x禮，今年有幸參予，想不到咁攪笑......

首先由腦細致詞：第一次聽佢發表「偉論」，老細果然腦細，講成十幾分鐘，都冇太多重點，最攪笑係唔識野學人拋書包，想講黃金寶在京奧落敗，點知連咁出名嘅運動員都講錯人地個名；又想講香港風帆選手陳敬然，點知又唔記得人地個名，扮考台下觀眾。

之後，由委員會主席致詞，我差D喊。因為......

大枝野主席其實份人唔錯，不過社經地位較一般，俾老細睇低。
上一年，我唔在場，但公司上下都話我知，大枝野主席因為廣東話唔係幾純正，
於是，鬧出不少笑話，

今年想不到老細出蕉，叫主席用「煲冬瓜」致詞，估唔到仲搞笑！
佢未開始講，已經係台上偷笑，
之後佢話用「煲冬瓜」致詞，第一句已經令大家好頭痕：「真真的廠長，真真的副廠長......」
究竟佢講咩？
原來佢話：「尊敬的廠長，尊敬的副廠長......」
死未！
第一場D細嘅咪唔敢笑囉，第二場D大嘅即刻忍唔住笑，
只係唔夠十句說話，點知都錯足六七句，你話係咪笑到你喊！

最睇唔過眼係老細明明聽主席致詞時，口黑面黑，
主席落台，即刻豎起姆指，真係最佳女主角！

我諗今年都係難過的一年啦！

教師學生專用網誌 - edmodo

今日在twitter又見阮瑪莉的好介紹，當然幾忙都要去試試啦！
記得好多年前，老師要跟同學互通消息，只係靠一本學生手冊的家長通訊；
自從資訊科技教育的推行，
老師要跟同學互通消息開始用email，之後又發展到用網頁，
再後期，又用內聯網；
依家呢？時下興寫blog，但又有幾多老師會寫blog呢？
就算寫，又有幾多老師會用在教學呢？

不過，大家如果正有感某某內聯網服務供應商掠水，可以試試利用edmodo加強課堂的溝通，
費用全免，當然免費的話，梗有限制啦！

什麼是edmodo ？
edmodo是一個給予教師和學生的個人微型網誌平台，發展集中在課堂內外的溝通。
edmodo提供教師和學生分享筆記，加入網頁連結和上下載文件，以促進溝通內外的課堂上。
教師更可以發佈報告提醒，發佈功課和活動，與他們的學生分享。


誰營運了edmodo ？
目前edmodo由 Jeff O'Hara＆ Nic Borg擁有、營運及資助。

有關介紹：http://www.edmodo.com/blog/about

我已經開咗戶口啦！
大家都不妨去試試！

Back to Normal 重返正軌

今日是學生們的開課日，亦係我正式係舊公司返工的第一天。

今日總結，一個字：死！

尋晚兩點幾都瞓唔著又要一早起身，「累」死人；
由朝到黑，掛住做連水都冇時間飲，「渴」死人；
由返工到放工自己的位坐都冇得閒，「做」死人；
不過，最恐怖的是人心的改變，
有些同事以為聰明女，不會亂來，
但原來可以變得咁可怕......
而最可怕的，係我見佢前面就憎佢後面，
好想避開呢d人，費事有正面衝突，
免得我得罪人。


不過，即使放工死死下，都一於少理，去買咗本Hello Kitty 2009年記事簿，令自己開心一下！

我要開心，享受我的工作！
最緊要開心！
各位朋友，你地都要努力啦！