給喜歡fashion的你 - 日劇推介【真我霓裳 Real Clothes リアル・クローズ】

近日在Facebook的朋友推介下，看了一齣與時裝有關的日劇-
【真我霓裳 Real Clothes リアル・クローズ】。
劇集中出現了許多時裝的配搭，而且在劇集的官方網站，
更可以訂購主角的服裝。
不過，最吸引我的，就是有關絲巾的不同用法，
大家除了欣賞劇集(可以到youku)外，不妨到官方網站慢慢研究啊！

官方網站：http://real-clothes.ktv.jp/
有關絲巾的不同用法：http://real-clothes.ktv.jp/carrestyle/

革命精神的呼號轉徒 | stevenpong on Xanga

革命精神的呼號轉徒 | stevenpong on Xanga

Posted using ShareThis

BOXING DAY=MOVIE DAY?!

很久沒有在香港過聖誕，
想不到Boxing Day變成Movie Day，
一早一晚，沒有計劃下，看了兩齣電影-
Sherlock Holmes 和 十月圍城(Bodyguards & Assassins)！





(TBC)

AVATARIZE YOURSELF

我的Avatar造型！

打石膏後的生活寫照-第三週

打石膏後的第三週 14.12.2009~20.12.2009

生活開始完全適應...

睇完「敗犬女王」又開始惆悵睇邊套台劇。

開始整理自己：身、心、靈，都十分需要整理！

星期二，翡麗絲同埃米莉來了新星吃飯探我。

二花開完冗長的會議都來找我地傾下計。

自從上星期六閞始皮膚敏感，星期一左手已經慢慢康復，

但右手情況就...

皮膚敏感得又紅又腫，皮膚佈滿像水痘似的東西，

嚇得大家都在Facebook回應。

老實說，我都有點擔心，

問題係我認識的皮膚科醫生都在香港島，

at least要三個星期前預約，

而且上星期多上街一次，

我的手開始痛，

很難用拐杖落樓梯，

基本上不可能去睇醫生，

所以打算休息一兩天後，

再視乎情況，找朋友介紹九龍區的皮膚科醫生。

多謝翡麗絲、埃米莉同二花的探望，

而翡麗絲知道我皮膚敏感後，

仲打電話叫她的老公拿了一支藥膏給我試試。

結果，情況真的有點改善，

我亦可以留在家中好好休息啦！

同樣，星期四，返教會。

多謝阿拔義載，我可以很快去將軍堡吃晚飯；

離開時，更多謝阿倫組長目送我地上拔家車後才搭的士。

拔嫂很細心，送我到家樓下，還幫我開了地下的大門才離開。

Million thanks，阿仙！

本週最開心的，莫過於星期日夜晚去UA iSquare IMAX睇Avatar阿凡達。

上星期安芝提議，點知佢當晚居然要同家人食飯，

所以我地剩下阿倫、阿全、雲迪同我去睇。

雖然星期日要一百七十蚊，不過真係物有所值，

皆因全套戲都係3D；

記得上次係Megabox IMAX睇Harry Potter，

只得10多分鐘，好彩係契女爹爹請，

otherwise我實喊。

由頂至底的大銀幕，加上立體聲音響，

寬敞舒適的坐位，

加上一流的電影，

兩個半小時的享受，

都係收一百七十蚊，真係物有所值。

這齣戲係Titanic的導演James Cameron籌備了十四年的作品，

連一向有彈冇讚的石琪先生，

都大讚電影：故事簡單但真人與科技效果配合得淋漓盡致云云，

所以我對這套電影抱相當大期望去睇。

結果，果然冇令我失望。

故事的確十分簡單，

但係科技動畫的部分同真人實景果然配合得天衣無縫。

而我印象最深的畫面，就係晚上當人在潘多拉Pandora星球的森林

步行時地下的植物一棵一棵亮燈，如水母般的種子在空中飄浮的畫面，

實在把我吸引住。

再講，有些飛行的場面，就連我身旁不認識的男士都出跟住主角左搖右擺，

大家就明白電影的迫真度有多高。

如果大家會睇Avatar，強烈建議大家去兩間IMAX睇！

睇完戲，居然在戲院電梯遇到嘉文弟兄，

相請不如偶遇，

大家去樂道的杏花樓吃吃甜品，為整天劃上完滿句號。

再次鳴謝阿倫弟兄協助截的士，仲等我地上車後關車門；

雲迪又陪我先返屋企後再回家，多謝你地。

打石膏後的生活寫照-第二週

打石膏後的第二週 7.12.2009~13.12.2009

在家休息，真好！

好，不是因為可以不用返工，留係屋企嘆世界；

好，係因為可以好好休息，

嘗試在神面前好好安靜自己...

今個星期開始習慣留在家中。

為了避免與爸爸嘈吵，每天即使起了床，

都會盡量留在房中，

用iPhone上網、聽歌、靈修或是check email。

由於家父是個不安於室的老人家(這個性格我100%遺傳了)，

他總會在中午時間約朋友上街去，

去看看展覽、逛街或是上書局，

總之就要上上街了！

待他離開後，我才起床梳洗、吃brunch和開始網上活動！

這星期沒有上星期那麼悶，

因為多了一個節目，

就係煲台劇！！

「敗犬女王」就是本週的精選，

有時候一坐便看上兩三小時。

晚上，沒有甚麼電視劇值得看，

便開始看村上春樹的「1Q84」。

星期四，又係社交日，哈哈！

今個星期除了健仔、二花、密絲帶外，

Kirsty、瑪莉亞同小魚都來探我。

二花還帶了同事和學生們的慰問卡給我，很感動啊！

除了感激同事和學生外，更要感謝TA們，

特別係輝輝同Lena，

因為輝輝協助我一些data entry，唔駛我擔心，

而Lena所設計的慰問卡，真的很精美啊！

而瑪莉亞同小魚更帶來以色列新鮮無花果。

我帶回家後，更同家人一起分享呢！

多謝兩位！

今個星期，返教會，

就有更多弟兄姊妹找我簽名於我的石膏上。

差不多沒有位置呢！

今個星期，要多謝阿倫弟兄的義載啦！

因為離開教會已經很晚了，

我便過馬路到對面搭的士。

誰知組長見我一個人，

就由Circle K急忙過馬路叫住我，

順路義載。

星期五，出院後首次覆診。

感激三妹莎樂請假陪我。

先照X-ray，再上骨科門診看醫生。

由於副廠長跟同事們都提醒我，

如果預計病假時間較長，

為了方便找人接手我的工作，

最好有較長的病假。

誰知同醫生提出，

醫生已經把我的病假延至2月初。

今日的結果不錯，

右腳踝其中一面的骨裂已經瘉合，

只剩下較嚴重骨裂的一面還約有3cm的裂痕。

預計下次進展良好的話，

就可以拆石膏啦！

至於今個星期六，我地幾個EBS幫手(阿倫、安芝同雲迪)開了一次緊急會議，

討論我地小組的方向同一些重要決定，

在新星飲茶，坦誠地表達自己的想法和感受。

飲茶後，我當然約了朋友仔，免得上上落落樓梯。

剛好，安芝想去iSquare看看UA IMAX戲院有沒有開售阿凡達的戲票，

而阿倫要去佐敦換領禮物，

我就要去尖沙咀吃下午茶，

所以一齊搭的士去尖沙咀。

下車後，安芝仲送我到Langham Hotel。

誰知同學仔已經到咗酒店門口，

他見到我，才知道我的腳傷比他想像中嚴重，

立即捉實我，扶我行路。

真係俾佢激死，捉住我，我又點用力行呢！

不過，算佢啦！都算老死，肯扶我行。

我地見面後，安芝才安心離開，真係要多謝佢！

由於剛飲完茶，我都沒有胃口食下午茶自助餐，飲杯茶就算啦！

朋友仔連午餐都未食，所以一個人食Chocolate High Tea。

有興趣看看我的食物同分享，可以click入嚟睇！

有段小插曲，繼上一次食完lunch buffet肚瀉後，再次令我對呢間酒店扣分：

正當我打算由北京道/九龍公園徑入口上lobby時，

酒店職員竟然想阻止我上樓梯。

如果佢係以關心的態度對我，我一定會十分欣賞；

可惜，佢係一副「咪係度上麻煩我」的樣子，我為免令佢難做，

只好問下佢其他入口啦！

由同學仔探路後回報，點知原來要行3-5分鐘先上到lobby，

我只好堅持由「捷徑」(十多級樓梯)上lobby的Palm Court啦！

hea下hea，傾下計，飲飲茶，不經不覺已經六點幾。

而延誤咗半年的生日飯，我地都沒有任何建議。

K11未開，難怪想去Ginza Bairin，打極電話都冇人聽啦！

東來順、Chesa、夜上海、Imasa...全部都fully booked，

令人失望。

最後，剩餘兩個提議：酒店樓上唐閣 & Elements的TMSK牡丹。

不過，唐閣只有一個半小時吃飯的時間，未免太緊迫；

所以決定去圓方的TMSK。

有關呢一次去TMSK牡丹的分享，可以click入嚟睇！

搭的士到圓方後，原先覺得容易到達的地點，依家竟然感到有點困難。

好不容易，才由W Hotel去TMSK牡丹，要成十分鐘先行到。

早知堅持去W Hotel嘅Kitchen或者Fire慶祝啦！

不過，我一點都有後悔嚟圓方，因為契女一家到了餐廳找我地傾下計，

可以見見咪咪豬Grace。

見到契女，真係開心晒！我已經成半個月有見佢啦！

我地big hug了幾次，佢仲拖住我、等埋我、送我地去的士站。

She is so sweeeeeeeeeeeeet！

估唔到有見半個月，又大個咗啊！

(to be continued...)

打石膏後的生活寫照-第一週

打石膏後的第一週 30.11.2009~6.12.2009

起初的生活：悶...悶...悶...，

因為從未如此好瞓過。

不過，週末起了很大的變化，生活加了一點色彩...

第一個星期，唔係瞓覺，就係上網，很掛念學生，也擔心工作。

人感到不安，感覺自己生活太糜爛！

幸好，星期四有同事們探訪，可以到我家附近的茶餐廳歇一歇。

不過，這亦是出院第一次出門，所以媽媽不太願意讓我出去。

在我堅持之下，媽媽唯有陪我用柺杖一步一步由八樓走到地下。

過去只需三分鐘的路程，今天就花了最少十多分鐘；

過往連跑長跑都只是輕微出汗的我，竟然汗流浹背。

最後，媽媽更堅持一直陪我到家附近的茶餐廳坐下後，才願意離開。

媽媽，多謝你，也令你擔心了，

誰叫你的女兒是個不肯有半分鐘停下來的傢伙呢！

多謝二花的安排，也多謝健仔、密絲帶、雲雲、琦琦前來探望，

更多謝大家的關心、慰問，

而且多得他們來探我，讓我有藉口上街去。

不過，這次出來，我真的感到很開心，

有種重獲自由的感覺(有點似放監的感覺)，哈哈！

最大的收穫就是--同事的好提議，推介了台劇「敗犬女王」讓我有好幾天不用悶死！

那天晚上，我更決定順道返團契，見見弟兄姊妹。

同事們都很好，大家送我到將軍堡與弟兄姊妹吃飯。

雖然由我家附近的茶餐廳步行到將軍堡，平日對我來說，只是輕而易舉的事，

可是，打了石膏後，第一次的經驗讓我更明白人的限制。

是的，神啊！人真的很軟弱！

原來只是步行，都可以令人感到很不容易。

過去，每去完一次長途旅行，又或是自己發生不如意的事時，

總渴望返教會見見弟兄姊妹；

想不到這一次「長假」，只是剛休息了幾天，

已經感到與弟兄姊妹分別了很久似的，

再次感到能夠返教會，感覺真好！

弟兄姊妹，真好；你們真的像我的家人，感覺很溫暖啊！

大家都前來慰問。多謝大家，特別是牧師提名的祈禱。

多謝團契新朋友組的每一位...

首先當然要多謝小組的阿倫弟兄、安芝姊妹和雲迪姊妹啦，

他們真的很幫忙！

仲有阿拔弟兄和拔嫂，hoho，他們主動提出「義載鐵柺陳」，

真的像歡樂滿東華。

當晚，離開時，大家都差不多已回家了，

只剩下安妮、奇雲夫婦和安芝，

但時間已太晚了，

麻煩了安妮、奇雲夫婦，更麻煩了妹妹莎樂。

真的很不好意思呢！

多謝大家！

之後，又過了幾天，好不容易才等到星期日，可以返教會崇拜。

返教會，平日當然係行路啦！

不過，經過星期四一役，我都不敢逞強，決定自己搭的士。

其實，我原先打算返早堂的，因為當日係教會的會員大會。

可惜，我唔敢麻煩大家，只好在家等大家電話。

最後，直至去梳洗時，才收到拔家電話，可惜我太遲啦，

只好留在家了！

不過，譚美姊妹在早堂後打電話問候我，

更約我先吃點東西。

斐安娜組長更約我去飲茶，見見一班弟兄姊妹。

大家都很關心我，不斷打電話來找我報告情況，

擔心我在路上出事。

吃過早餐，感激拔嫂、阿車隊長和阿倫組長，

他們上過早堂，竟然陪我返午堂。

真的，衷心多謝他們！

原先，我未出事時，我地仲興高采烈打算上深圳按摩，

現在大家都犠牲了，

陪我一起敬拜神，多謝你地！

不過，更重要的是多謝斐安娜組長，

因為我原先打算偷懶，

在家參與權能時間敬拜神，而不返午堂了，

誰知組長一句：「你未返祟拜，可以返午堂啦！」

這句提醒我，不准偷懶，要知道祂是神！

Sorry，神啊！真的對不起，竟然想偷懶；

不過，也要感謝神，沒有祂，我又會做「逃兵」啦！

之後，我可以堂堂正正去玩。

去BBQ，大家也許很難想像吧！

而且，仲係入天水圍燒烤。

不過，又要多謝拔家啦，再次義載。

(特別鳴謝阿倫弟兄：因為你send email找阿拔相助；

拔's family：因為你地義載小妹啊！)

今次去了某屋苑的會所BBQ。

大件事啦！今次係上數十級樓梯，位於天台上的場地。

真的不簡單！

(雖然返屋企仲難，不過，要在大家的看顧下，

上樓梯，真係感到不好意思。）

到燒烤啦，多謝每一位幫我烤食物的和把食物穿上燒烤叉的弟兄姊妹，

我真的很感動。

難得放監，我當然不肯立刻回家啦！

大家去深水埗吃糖水，梗係要預我啦！

之後，阿倫同拔嫂去吃蛇羹，我都可以跟，

真的好！

飲飽食醉後，灰姑娘都係時候交人啦！

大概八點幾九點，我係時候返屋企啦！

今日，又係莎樂落地下接我。

Many thanks，我的弟兄姊妹和莎樂妹啊！

Amazon Kindle - Global Wireless Reading Device

對於書癡來說，感到最煩惱的問題，就是如何收藏書。

由年前Sony開發的電子書閱讀器，到今日的Amazon Kindle；由沒有網絡支援到現在支援無線網絡。
可惜對我而言，只是有一刻的心動。
原因就是解決藏書的問題！

可惜的是，我在閱讀的時候，即使有電子書在手(如當年Palm盛行的年代所讀的電子書)，
我最終都係喜歡看印刷的書。

印刷書有一份實在的感覺，執在手裏，揭書的感覺，令人感覺踏實。
特別是閱讀小說，之後與朋友分享，交換閱讀，都是印刷書的好處。
不過，電子書如果是一些參考書，又另作別論。
因為，帶著參考書來來往往，隨時再讀，電子書又的確方便。



老實講，暫時對我來說，仍然比較喜歡印刷書。

幸福是靠自己爭取回來的！？

自從因為骨裂，我無端多了一個「悠長病假」以來，每天的日子悶得不得了...
每天總是想到想著工作怎樣，就是學生的情況，
連自己也不得不自嘲是「賤骨頭」。
不過，一向自律的我，可能之前工作實在太勞累的關係，
每天都不知要睡多少小時才夠。
不足一個星期，已經開始變成了一個「睡公主」啦！

幸好，上星期四第一次上街，到家附近見見同事，
同事們提醒我一些休息期間可以做的事：煲劇，
把我的生活加添了多些趣味。

這幾天「煲」的劇(說得一點也不誇張，因為一坐下看，
便是一個下午，連自己都覺得太過了)，
就是早就想看的台劇「敗犬女王」啦！

說真的，大抵自己起初也覺得自己跟「敗犬」有點像吧，哈！
再者，看愛情劇一向是我的最愛，我又怎會錯過呢！

故事大綱大致是這樣的：
「我，33歲，一個生活塞滿工作的女性上班族。
也許經過多年的努力，工作有一點成就，可是我單身，孤單
一個人。不止對象越來越難尋獲，可惡的是隨著年齡的增加
，身價更是越來越下跌！！

在一個人的夜裡，我不禁常想：「Shit！我該不會就這樣
孤單終老吧！？我要變成一隻人生的敗犬了？」
在台灣，年過三十三，對象難尋的單身貴族遍佈成河！！
有著成千上萬這樣的「單身敗犬女」。

大家也都知道，「共鳴」是戲劇打動人心的關鍵。
可是，誰來引起「她們」的共鳴呢？！
這部戲，就是「她們」的故事，她們的共鳴」
(內容摘自敗犬女王台視官網)

一連幾天，便看完共廿一集的台劇。

看的時候，發現全世界的愛情劇都有完全相同的formula：

愛情的開始，都是兩個人由誤會和相遇開始，

之後，相識至誤會化解，以至互生情愫，

後來，又因為某人舊情復熾，以致影響發展，

最後，發現最愛是誰，而排除無難，大團圓結局。

這套劇的娛樂性不錯，多謝同事的推介。

看完整套劇，女主角說了一句話令我印象很深的，很想跟單身的女生分享一下：

「只要懂我愛自己，一個人都可以活得快樂自在...幸福是靠自己爭取回來的」

是的，一個人連自己都不懂得愛自己的話，怎樣懂得去愛別人呢！

如果在單身的時候，只懂得羨慕拍拖、憧憬婚姻，

而不懂得享受一個人獨處時的快樂自在，

那麼，這個人即使談戀愛，

也只會倒過來埋怨談戀愛時的沒自由。

「幸福是靠自己爭取回來的」這句話，

我在這句話後面加了一個感嘆號和問號。

因為我只同意一半，

我同意人的確需要努力、付出，

不是剛坐著等待幸福的來臨；

但我更認為人生中沒有正確的方向，

一切的努力，

或許只是徒然的。

在這段安靜的時間裏，神提醒了我幾件事：

你們要休息、要知道我是. 神．(詩46:10)

得力在乎平靜安穩(賽30:15)

過去的我，太努力去做每件事，也許忘記了神，

令我明白我過往為自己計劃的一些所謂人生都是虛空的。

過去，我也許忘記和忽略了安靜的時間太久吧！

任性的時間也許夠了...

我就趁這個安靜的時間，

再次好好思考與神的關係，

再次支取從神而來的力量，

而不是單靠自己努力的，

重整自己吧！

Google Goggles - 利用圖片搜尋的工具

剛看完亞視的報導，才知道Google又推出嶄新的工具 - Google Goggles！

正如它的介紹一樣：圖片勝過千言萬語。
要搜尋資料，如今無須再輸入文字了，只須拍下照片，就可以搜尋相關資料啦！

去旅行，就算不帶旅遊書，不帶LP(Lonely Planet)，只須對著旅遊景點拍個照，

便可找到景點的資料，資料可能比導遊更詳盡呢！

以下就是Google Goggles的應用例子，想更詳細了解的話，就登入Google Goggles的網頁介紹啦！
網址：http://www.google.com/mobile/goggles/

係唔係想即刻試用呢？
可惜，大家應該暫時都用不到，因為Google Goggles暫時只在Google Android系統的手機上才可用到呢！
唔知會不會推出iPhone版本呢！

Merry Christmas to all my friends

Try JibJab Sendables® eCards today!

Enjoy and have fun!
Merry Christmas!!
PS: I love it so much!

打羽毛球變打石膏的一次經歷

我的第一次-打石膏，就是在剛過去的星期日發生...

話說上星期六，因為想支持一下教會的新朋友打羽毛球，所以我決定再次打羽毛球。

其實，打羽毛球的過程，一點都不激烈，但正在大家不為意的時候，

我竟然不知何故，忽然「拗柴」。

我的右腳踝即時腫脹像汽球吹脹一樣(其實有點誇張)。

起初，我心想：「拗柴」都已經唔係第一次啦，而且之前都係傷這隻腳，

或許又係拉傷韌帶，唔使call白車(救護車)咁誇張啦！

不過，腳腫加了冰敷，似乎沒有改善，所以都係聽話，接受教會的保安建議，召救護車入院。

一上車，司機問我返哪個團契，想不到連司機都是跟我返同一間教會兼同一個團契的弟兄。

入醫院急診室，已經不是第一次啦；今次，估唔到仲係搭救護車入嚟！

先在分流站作簡單檢查。

等了十分鐘左右，輪到我見醫生。

大概一個小時，我終於可以照x-ray。

不幸地，醫生看完x-ray底片，告訴我：

「你右腳踝兩邊骨裂，你可以先返屋企，明天一早再返來打石膏，

或者，選擇即時入院，等明早再打石膏。

不過，你仲要等星期一見物理治療師，學用拐杖。」

我最終選擇留院，免得兩頭騰加重傷勢。

哈，上房後不久，護士通知：暫時斷水斷糧...

吓！唔係掛？！

好彩，過多一陣(都成個幾鐘)，見完骨科醫生，終於有水有糧：可以飲水同食個包！

星期日(29/11)早上，五六點就叫醒人，吃過早餐，等八點幾見醫生。

一個靚靚女醫生見我，她告訴我一個好消息和一個壞消息，

冇得揀聽邊個先，

壞消息係右腳腳踝內外骨裂(即骨折的一種)，要打石膏，等6-8星期先可以拆；

好消息係唔駛開刀做手術同鑲螺絲；

不過，拆完石膏，腳的肌肉會萎縮，要再做6-8星期的物理治療，才可能完全康復。

唔係掛？！我以為「拗柴」，最多兩三個禮拜就可以好返啦，原來前前後後成3-4個月。

醫生仲話可以一次過俾三個月假期過我，

我就嚇得叫佢暫時俾住兩個星期先啦！

兩個禮拜後，我會第一次覆診，醫生到時又會開假俾我啦。

星期日，當媽咪將叉好電嘅電話交俾我，我第一時間上Facebook update status啦！

call完上司、老闆交待請假的事後，就不停收到唔同嘅電話問候啦！

之後，又call鄰居，等佢地返工唔駛等我。

下晝，又有好多姊妹嚟醫院支持我，

阿Cin，阿車，愛麗詩同安芝，仲有入唔到病房的許多弟兄姊妹，

特別要鳴謝阿多同阿un的Jumbo Hello Kitty珍寶珠，真係好大枝嫁！

到探病時間，二花竟然買咗安怡高鈣奶，氣死人！

平日都冇咁聽話，今次建仔話我骨質疏鬆，要多啲鈣質，

佢就即時送到！不過，都好多謝二花的，hehe...

Salin因為組長訓練唔見我，就一早call我，所以知我入院。

佢都好有心，買咗啲健康零食-藍莓乾同葵花籽俾我，

又同我&二花影相。

Salin果然係Salin，幾時都帶相機，拍低每一刻。

之後，又有Judy, Janis同一位活B姊妹帶薯片、朱古力同飲料俾我。

兩個鐘探病時間，轉眼間又過去啦！

夜晚，休息一下，又等第二日出院啦！

星期一，見醫生，再見治療師。

治療師教我用拐杖行平地後，我終於可以落地去洗手間，yeah!!

之後，治療師再教我行樓梯。

行樓梯嘅口訣係「上天堂，落地獄」，

即係上用好腳，落就用傷腳。

上落樓梯兩轉已經出晒汗，相當辛苦。

下晝等媽咪放學，終於可以返屋企。

只係上樓梯，冇諗過平日只係3分鐘時間，今日要行成廿分鐘，辛苦死我！

上樓梯期間，我心諗：又係減肥嘅時候啦！

在呢件事上，我仍然要向神感恩！

如果唔係入醫院，自己堅持返屋企，

我的傷勢真係難以想像。

PS: 我的家人，多謝你地！

媽咪真好，細佬真好，細妹真好！

如果唔係你地，我連街都去唔到啦！