第一次的PPHK, Punch Party HK (1)

冇諗過有咁多人參加
冇諗過內容真係咁精彩
冇諗過禮物真係唔錯
特別係件T-shirt
更冇諗過現場反應真係咁好

本身今日放工後，真係攰到死，
但係去完PPHK，真係幾興奮：
一邊聽一邊twit，free Wi-fi好順！

今晚嘅主題係"職業 . Blogger"，
由六個唔同職業嘅朋友分享佢地工作的苦與樂：
開騷有Sidekick同Jonathan介紹PPHK嘅緣起，
之後介紹佢地「九」男女籌委。

第一個主講係由蕭sir - 蕭愷一 英文由F字學起開始，
蕭sir分享教學，又同我地介紹佢對學英文、語文的看法，
最記符佢同我地分享「語言無分好壞」，粗口都有佢嘅存在價值。
語音 - 重要，不過最重要係要發音正確。

第二個係我號好朋友 阮瑪莉 在下【阮瑪莉】 出場！
佢分享我地一班老師在學校的生活，分享對教育的看法。
佢講盡我地一班老師嘅心聲，
香港做老師真係唔容易，
做個有熱誠嘅老師就更加唔容易，
而且現在做老師，只會越做越令人失望，
因為教育已變成社區中心兼評核機構！
阮瑪莉真係好勁，present得好好！

第三個主人翁，就係前陣子被傳媒攪到想將blog執笠嘅消防員阿Jack
我們的故事書！ - 我們的故事書！
佢令我地對消防員認識多咗：原來佢地唔係個個大大隻，都有冇咁高嘅！
消防員原來返24小時，放48小時，閒聊會燒下野食，
仲會DIY燒烤爐添！
原來成日見消防員打排球，除咗練體能兼夾默契外，
最重要係打排球較少身體接觸，少啲機會受傷！

上半場已經非常掂！
不經不覺已經八點半啦！